यातायात ब्यवसायी तथा मजदुर सम्वद्ध संस्थाहरुको आब्हानमा विगत पाँच दिन देखि जारी यातायात बन्दका कारण ढुवानीमा समस्या भएपछि धरानमा तरकारीको अभाव सिर्जना भएको छ ।
अभावसँगै मौसमी तरकारीको मुल्यमा पचास प्रतिशतसम्म बृद्धि भएको छ ।
यातायात बन्दका कारण धरान लगायत पर्ुवाञ्चलका प्रमुख शहरहरुमा सब्जी आपर्ुर्ति गर्दै आएको कृषि तथा थोक उपज बजार स्थल धरानका लागि सब्जी ढुवानी रोकिएको छ । धनकुटा तथा अन्य जिल्लावाट दैनिक करिव तीन सय मेटि्रक टन सब्जी ढुवानी हुने गरेकोमा हाल सो ठप्प रहेको बजार स्थलका प्रवन्धक शम्भु कटुवालले बताउनुभयो । हाल बजार स्थलमा वाँकी रहेको करिव ५० टन जति तरकारीले २ दिन पनि नपुग्ने स्थिती छ । बजार स्थल नै रित्तिएपछि धरानका भानुचौक, पालिका बजार लगायतका सब्जीबजारहरु समेत प्रभावित भएका छन् ।
सँधै तरकारी ब्यापारी, ग्राहक, यातायात ब्यवसायीको भीड लाग्ने बजार स्थल अहिले सुनसान छ ।
उत्पादित तरकारी ढुवानी नभएपछि सवभन्दा बढि समस्या कृषकलाई भएको छ ।